સમય નથી

સેલરી છે સાત કરોડ, વાપરવાને વખત નથી.
ભર્યા ભોજન ભાવતાં, ખાવાનો એક કણ નથી.

સજીધજી પત્ની શરમાતી, નજરની ફુરસદ નથી.
વોર્ડરોબ વસ્ત્રે છલકાતો, રજાનો કોઈ દિવસ નથી.

દેવમંદિરના દેવ દુ:ભાતા, દર્શન કરું પણ દિલ નથી.
દુનિયાભરની દવા લઉ છું, રોગ કયો છે ખબર નથી.

ભૂલકાં ભાન ભૂલી વળગતા, વડીલોને સમય નથી.
બંગલા-ગાડી-નોકર-ચાકર, પ્રવાસમાં સાથે નથી.

કમાવવા એક નાની દુકાન, જીવવા રોટી-કપડાં-મકાન,
પ્રેમાળ ઘર ને રાત-દિન, પામવા પ્રભુને એક જ તાન.

ભુલી જઈ ભગવાન જગતમાં, સુખ કોઈને મળતું નથી,
મૃગજળ પાછળ દોટ નથી, જીવન અમારું વ્યર્થ નથી.