કા’નાની વાંસળી

વાંસળી વગાડી કા’ન રમવા બોલાવતા
રમવા બોલાવતા ને ભાન ભૂલાવતા……… વાંસળી

ઘેલા થઈને અમે રમવાને આવતા
રમવાને આવતા ને ધૂમ મચાવતા……… વાંસળી

લટકા કરીને શ્યામ લગની લગાડતા
લગની લગાડતા ને ચિંતા મુકાવતા………. વાંસળી

નેત્ર નચાવી અમ દિલમાં સમાતા
દિલમાં સમાતા ને મોજ કરાવતા……….. વાંસળી

પ્રેમથી ભેટીને કા’ન પીઠ પસવારતા
પીઠ પસવારતા ને હિંમત વધારતા………..વાંસળી

ખુદમાં સમાવી શ્યામ આનંદ આપતા
આનંદ આપતા ને આનંદ માણતા………….વાંસળી